Мэргэжлийн орчин, хөдөлмөрийн эрүүл ахуйн тасаг нь ажилчдын ажил мэргэжлийн өвчнийг оношлох, эмчлэх, нөхөн сэргээлт зэргийг мэргэжлийн түвшинд үнэлэх, үзлэг эмчилгээ хийдэг эмчилгээний тасаг юм. Ажлын байранд ажиллагсдын эрүүл мэндийг хамгаалах, сайжруулах, өвчнөөс урьдчилан сэргийлэхэд хувь нэмэр оруулж, ажил мэргэжлийн улмаас үүсэх өвчлөлөөс урьдчилан сэргийлэхийн зэрэгцээ бие махбодын, сэтгэл зүйн болон нийгмийн эрүүл мэндийг тэргүүнд тавин, мэргэжлийн шалтгаант болон ажил мэргэжилтэй холбоогүй өвчнүүдийг бүхэлд нь хамарсан цогц эрүүл мэндийн хяналтыг хэрэгжүүлдэг салбар юм.
Аж үйлдвэрийн аюулгүй байдал, эрүүл ахуйн тухай хуульд тодорхойлж заасны дагуу хортой хүчин зүйлс (органик химийн нэгдлүүд, металл, хүчил ба шүлт, хий, тоосонцор, физикийн хүчин зүйлс, шөнийн ажил г.м.)-д өртдөг ажил эрхэлдэг ажилчдад өртөлтийн улмаас үүсэх эрүүл мэндийн нөлөөллийг үнэлэхийн тулд эрүүл мэндийн үзлэгийг заавал хийх ёстой гэж заасан байдаг. Үүнийг ерөнхий эрүүл мэндийн үзлэгээс ялган тусгай эрүүл мэндийн үзлэг гэж ангилдаг.