Оношилгооны лабораторийн тасагт хүний биеэс дээжлэн авсан төрөл бүрийн сорьцод зохих шинжилгээг хийж, өвчнийг оношлох, эмчилгээний үр дүнг үнэлэх зэрэгт туслалцаа үзүүлдэг салбар юм.
Оношилгооны лабораторийн тасагт хийгддэг шинжилгээнүүд нь маш олон төрөл бөгөөд зөвхөн цусны найрлагыг шинжлэхээс гадна шээс,тархи-нугасны шингэн, бусад биологийн шингэнүүдийг ч шинжилдэг. Мөн бие махбодийн халдварт өвчнийг оношлохын тулд бактери, вирус, мөөгөнцөр зэрэг төрөл бүрийн бичил биетнийг тусгаарлан тодорхойлдог ба хавдрын эсийг ялган авч түүний шинж чанарыг тодорхойлох шинжилгээг хийдэг.
Цусны банкнаас эмнэлэг доторх цус сэлбэх шаардлагатай бүх тасагт цус нийлүүлэх үүрэгтэй бөгөөд түүнтэй холбоотой төрөл бүрийн шинжилгээ, цусны болон бүрэлдэхүүн хэсгийн донор авах, цусны сийвэн солилт, эмчилгээний зорилгоор гематопоэтик аферез зэрэг процедуруудыг гүйцэтгэдэг.
Сүүлийн үед төрөл бүрийн генетикийн шинжилгээ хийж, өвчлөлтэй холбоотой хамгийн сүүлийн үеийн генийн мэдээлэл, мөн генетикийн зөвлөгөөг боловсруулан үйлчлүүлэгчдэд тусалж байна.
Оношилгооны лабораторийн тасгийн төрөл бүрийн шинжилгээний аргачлал нь хамгийн сүүлийн үеийн анагаах ухааны мэдээлэл технологийг эмчилгээний үйл ажиллагаанд нэвтрүүлж, эмч нарт хамгийн сайн оношилгоо, эмчилгээ хийх боломжийг олгож байна.